मैत्र जीवांचा.....

मैत्रीला न जात न पात,
तीला नसतो कधी धर्म,
ह्रदयात आमरण जपावी,
हेच अपुले नित्यकर्म....(१)

मैत्री म्हणजे काय हो,
ह्रदया पलीकडले भाष्य,
नित्य जपुन ठेवावे असे,
मधुर मोहक हास्य...(२)

मैत्री म्हणजे एक,
ह्रदय पटलावरचे सुंदर चित्र,
मित्रत्वाच्या कुंचल्याने,
त्याला आपण रंगविले मात्र...(३)

कधी शिशिर,कधी बहर,
मौसम येत असतो ऋतुंचा,
बारमाही प्रवाह वाहे,
ह्रदयी आपुल्या मैत्रीचा....(४)

आणि शेवटी.........
दगडाला या झाला,
स्पर्श परिसांचा,
मित्रांच्या प्रेम वर्षावाने,
हा दगड झाला.......
"मैत्र जीवांचा".......(५)

                








  नंदू....